PSALMI IUXTA LXX 10

₂In Domino confido quomodo dicitis animae meae

transmigra in montes sicut passer

₃quoniam ecce peccatores intenderunt arcum

paraverunt sagittas suas in faretra

ut sagittent in obscuro rectos corde

₄quoniam quae perfecisti destruxerunt

iustus ÷autem: quid fecit

₅Dominus in templo sancto suo Dominus in caelo sedis eius

oculi eius ÷in pauperem: respiciunt

palpebrae eius interrogant filios hominum

₆Dominus interrogat iustum et impium

qui autem diligit iniquitatem odit animam suam

₇pluet super peccatores laqueos

ignis et sulphur et spiritus procellarum pars calicis eorum

₈quoniam iustus Dominus ÷et: iustitias dilexit

aequitatem vidit vultus eius