PSALMI IUXTA LXX 122

Ad te levavi oculos meos qui habitas in caelo

₂ecce sicut oculi servorum in manibus dominorum suorum

sicut oculi ancillae in manibus dominae eius

ita oculi nostri ad Dominum Deum nostrum

donec misereatur nostri

₃miserere nostri Domine miserere nostri

quia multum repleti sumus despectione

₄quia multum repleta est anima nostra

obprobrium abundantibus et despectio superbis