PSALMI IUXTA LXX 15

Conserva me Domine quoniam in te speravi

₂dixi Domino Dominus meus es tu

quoniam bonorum meorum non eges

₃sanctis qui sunt in terra eius

mirificavit ※mihi: omnes voluntates meas in eis

₄multiplicatae sunt infirmitates eorum postea adceleraverunt

non congregabo conventicula eorum de sanguinibus

nec memor ero nominum eorum per labia mea

₅Dominus pars hereditatis meae et calicis mei

tu es qui restitues hereditatem meam mihi

₆funes ceciderunt mihi in praeclaris

etenim hereditas mea praeclara est mihi

₇benedicam Domino qui tribuit mihi intellectum

insuper et usque ad noctem increpaverunt me renes mei

₈providebam Dominum in conspectu meo semper

quoniam a dextris est mihi ne commovear

₉propter hoc laetatum est cor meum et exultavit lingua mea

insuper et caro mea requiescet in spe

₁₀quoniam non derelinques animam meam in inferno

non dabis sanctum tuum videre corruptionem

notas mihi fecisti vias vitae adimplebis me laetitia cum vultu tuo

delectatio in dextera

tua usque in finem