PSALMI IUXTA LXX 4

₂Cum invocarem exaudivit me Deus iustitiae meae

in tribulatione dilatasti mihi

miserere mei et exaudi orationem meam

₃filii hominum usquequo gravi corde

ut quid diligitis vanitatem et quaeritis mendacium diapsalma

₄et scitote quoniam mirificavit Dominus sanctum suum

Dominus exaudiet me cum clamavero ad eum

₅irascimini et nolite peccare

quae dicitis in cordibus vestris

in cubilibus vestris conpungimini diapsalma

₆sacrificate sacrificium iustitiae et sperate in Domino

multi dicunt quis ostendet nobis bona

₇signatum est super nos lumen vultus tui Domine

dedisti laetitiam in corde meo

₈a fructu frumenti et vini et olei sui multiplicati sunt

₉in pace in id ipsum dormiam et requiescam

₁₀quoniam tu Domine singulariter in spe constituisti me