PSALMI IUXTA LXX 60

₂Exaudi Deus deprecationem meam intende orationi meae

₃a finibus terrae ad te clamavi

dum anxiaretur cor meum in petra exaltasti me

deduxisti me

₄quia factus es spes mea

turris fortitudinis a facie inimici

₅inhabitabo in tabernaculo tuo in saecula

protegar in velamento alarum tuarum diapsalma

₆quoniam tu Deus meus exaudisti orationem meam

dedisti hereditatem timentibus nomen tuum

₇dies super dies regis adicies annos eius

usque in diem generationis et generationis

₈permanet in aeternum in conspectu Dei

misericordiam et veritatem quis requiret eius

₉sic psalmum dicam nomini tuo in saeculum saeculi

ut reddam vota mea de die in diem