PSALMI IUXTA LXX 81

Deus stetit in synagoga deorum

in medio autem Deus deiudicat

₂usquequo iudicatis iniquitatem

et facies peccatorum sumitis diapsalma

₃iudicate egenum et pupillum

humilem et pauperem iustificate

₄eripite pauperem et egenum de manu peccatoris liberate

₅nescierunt neque intellexerunt in tenebris ambulant

movebuntur omnia fundamenta terrae

₆ego dixi dii estis et filii Excelsi omnes

₇vos autem sicut homines moriemini

et sicut unus de principibus cadetis

₈surge Deus iudica terram

quoniam tu hereditabis in omnibus gentibus