PSALMI IUXTA LXX 147

Lauda Hierusalem Dominum lauda Deum tuum Sion

₁₃quoniam confortavit seras portarum tuarum benedixit filiis tuis in te

₁₄qui posuit fines tuos pacem et adipe frumenti satiat te

₁₅qui emittit eloquium suum terrae velociter currit sermo eius

₁₆qui dat nivem sicut lanam nebulam sicut cinerem spargit

₁₇mittit cristallum suum sicut buccellas

ante faciem frigoris eius quis sustinebit

₁₈emittet verbum suum et liquefaciet ea

flabit spiritus eius et fluent aquae

₁₉qui adnuntiat verbum suum Iacob iustitias et iudicia sua Israhel

₂₀non fecit taliter omni nationi

et iudicia sua non manifestavit eis