PSALMI IUXTA LXX 92
1laus cantici David in die ante sabbatum quando inhabitata est terra
Dominus regnavit decore indutus est
indutus est Dominus fortitudine et praecinxit se
etenim firmavit orbem terrae qui non commovebitur
2parata sedis tua ex tunc a saeculo tu es
3elevaverunt flumina Domine elevaverunt flumina vocem suam
※elevabunt flumina fluctus suos:
4a vocibus aquarum multarum mirabiles elationes maris
mirabilis in altis Dominus
5testimonia tua credibilia facta sunt nimis
domum tuam decet sanctitudo Domine
in longitudine dierum
Biblia Sacra Iuxta Vulgatam Versionem, hg. von Robert Weber, fünfte, verbesserte Auflage, hg. v. Roger Gryson, © 2007 Deutsche Bibelgesellschaft, Stuttgart
