LIBER GENESIS 10

₁hae generationes filiorum Noe Sem Ham Iafeth

natique sunt eis filii post diluvium

₂filii Iafeth Gomer Magog et Madai

Iavan et Thubal et Mosoch et Thiras

₃porro filii Gomer Aschenez et Rifath et Thogorma

₄filii autem Iavan Elisa et Tharsis Cetthim et Dodanim

₅ab his divisae sunt insulae gentium in regionibus suis

unusquisque secundum linguam et familias in

nationibus suis

₆filii autem Ham Chus et Mesraim et Fut et Chanaan

₇filii Chus Saba et Hevila et Sabatha et Regma et

Sabathaca

filii Regma Saba et Dadan

₈porro Chus genuit Nemrod ipse coepit esse potens in terra

₉et erat robustus venator coram Domino

ab hoc exivit proverbium quasi Nemrod robustus venator

coram Domino

₁₀fuit autem principium regni eius Babylon et Arach et Archad et Chalanne

in terra Sennaar

₁₁de terra illa egressus est Assur

et aedificavit Nineven et plateas civitatis et Chale

₁₂Resen quoque inter Nineven et Chale haec est civitas magna

₁₃at vero Mesraim genuit Ludim et Anamim et Laabim

Nepthuim

₁₄et Phetrusim et Cesluim

de quibus egressi sunt Philisthim et Capthurim

₁₅Chanaan autem genuit Sidonem primogenitum suum

Ettheum

₁₆et Iebuseum et Amorreum

Gergeseum

₁₇Eveum et Araceum

Sineum

₁₈et Aradium Samariten et Amatheum

et post haec disseminati sunt populi Chananeorum

₁₉factique sunt termini Chanaan

venientibus a Sidone Geraram usque Gazam

donec ingrediaris Sodomam et Gomorram et Adama et Seboim usque Lesa

₂₀hii filii Ham in cognationibus et linguis et

generationibus terrisque et gentibus suis

₂₁de Sem quoque nati sunt

patre omnium filiorum Eber fratre

Iafeth maiore

₂₂filii Sem Aelam et Assur et Arfaxad et Lud et Aram

₂₃filii Aram Us et Hul et Gether et Mes

₂₄at vero Arfaxad genuit Sala de quo ortus est Eber

₂₅natique sunt Eber filii duo

nomen uni Faleg eo quod in diebus eius divisa sit terra

et nomen fratris eius Iectan

₂₆qui Iectan genuit Helmodad et Saleph et Asarmoth

Iare

₂₇et Aduram et Uzal

Decla

₂₈et Ebal et Abimahel

Saba

₂₉et Ophir et Evila et Iobab omnes isti filii Iectan

₃₀et facta est habitatio eorum

de Messa pergentibus usque Sephar montem orientalem

₃₁isti filii Sem secundum cognationes et linguas et regiones in

gentibus suis

₃₂hae familiae Noe iuxta populos et nationes suas

ab his divisae sunt gentes in terra post diluvium